माल्यवंत अति सचिव सयाना। तासु बचन सुनि अति सुख माना।।

माल्यवंत अति सचिव सयाना। तासु बचन सुनि अति सुख माना।।
तात अनुज तव नीति बिभूषन। सो उर धरहु जो कहत बिभीषन।।
रिपु उतकरष कहत सठ दोऊ। दूरि न करहु इहाँ हइ कोऊ।।
माल्यवंत गृह गयउ बहोरी। कहइ बिभीषनु पुनि कर जोरी।।
सुमति कुमति सब कें उर रहहीं। नाथ पुरान निगम अस कहहीं।।
जहाँ सुमति तहँ संपति नाना। जहाँ कुमति तहँ बिपति निदाना।।
तव उर कुमति बसी बिपरीता। हित अनहित मानहु रिपु प्रीता।।
कालराति निसिचर कुल केरी। तेहि सीता पर प्रीति घनेरी।।

Malyavant atti sachiv sayana       tasu vachan suni atti such mana I

Tatt anuj tav neeti vibhushan       so urr dharou ji kahat bibhishan I

Ripu utkarash kahat sath dou     doori na karhu  ehan hayaim kou I

Malavant grah  gayuin bahori       kahahi bibhishan   puni kar jori I

Sumati kumati sab ke ur rahahi      ved puran Nigam us kahayahi I

Jahan sumati tahan sampatti nan jahan kumati tahan vibat nidana I

Tav   urr basi kumati bipreeta       hit anhit manhahu arri    preeta I

Kalrati nisichar kul keri                     tehi seeta par preeti ghaneri I

   दो0-तात चरन गहि मागउँ राखहु मोर दुलार।
       सीत देहु राम कहुँ अहित न होइ तुम्हार।। (40)

               Tatt charan gahyi           magiiyun mor doolar I

               Seeta dehu ram kahu   ahit na hoahyi tumhar II (40)

बुध पुरान श्रुति संमत बानी। कही बिभीषन नीति बखानी।।
सुनत दसानन उठा रिसाई। खल तोहि निकट मुत्यु अब आई।।
जिअसि सदा सठ मोर जिआवा। रिपु कर पच्छ मूढ़ तोहि भावा।।
कहसि न खल अस को जग माहीं। भुज बल जाहि जिता मैं नाही।।
मम पुर बसि तपसिन्ह पर प्रीती। सठ मिलु जाइ तिन्हहि कहु नीती।।
अस कहि कीन्हेसि चरन प्रहारा। अनुज गहे पद बारहिं बारा।।
उमा संत कइ इहइ बड़ाई। मंद करत जो करइ भलाई।।
तुम्ह पितु सरिस भलेहिं मोहि मारा। रामु भजें हित नाथ तुम्हारा।।
सचिव संग लै नभ पथ गयऊ। सबहि सुनाइ कहत अस भयऊ।।

Budh puran shuriti sammat bani     kahi bibhishan neeti bakhani I

Sunat dasanan utha risayee          khal Mrityu nikat tohi ab ayee I

Jiyasi sada sath mor jiyava       ripu kar pachh moorh tohi Bhava I

Kahasi na sath us ko jag mahi           bhuj bal jahi  jita mein nahi I

Us kahi keenhesi charan parhara         anuj gaye pad barahi bara I

Umma sant ki ehahi barhayee    mand karat jo karhahi bhalayee I

Tum pitu sam bhalahahi mohi mara  ram bhaje hit nath tumhara I

Sachiv sang le nabh path gayuin  sabahi sunayi kahat us bhayuin I

दो0=रामु सत्यसंकल्प प्रभु सभा कालबस तोरि।
मै रघुबीर सरन अब जाउँ देहु जनि खोरि।। (41)

     Ram satya sankalp parbhu     sabha kalbas tor I

     Mein  Raghubar saran ab jaun dehu jani khor II (41)