सोइ रावन कहुँ बनि सहाई। अस्तुति करहिं सुनाइ सुनाई।।

सोइ रावन कहुँ बनि सहाई। अस्तुति करहिं सुनाइ सुनाई।।
अवसर जानि बिभीषनु आवा। भ्राता चरन सीसु तेहिं नावा।।
पुनि सिरु नाइ बैठ निज आसन। बोला बचन पाइ अनुसासन।।
जौ कृपाल पूँछिहु मोहि बाता। मति अनुरुप कहउँ हित ताता।।
जो आपन चाहै कल्याना। सुजसु सुमति सुभ गति सुख नाना।।
सो परनारि लिलार गोसाईं। तजउ चउथि के चंद कि नाई।।
चौदह भुवन एक पति होई। भूतद्रोह तिष्टइ नहिं सोई।।
गुन सागर नागर नर जोऊ। अलप लोभ भल कहइ न कोऊ।।

Sohi raven kahu bani sahayee astute karahai sunayaee sunayaee I

Avsar Jani vibhishan ava                 bhrata charan sees tehi nava I

Puni sir nayee beth nij assan           bola vachan payee anusassan I

Jo Kripal mohi puchhou bata           matti anurup kahaun hit tattaI

Juon apan chahe kalyana        sujas summati subhgatti such nana I

Taon parnari lilar gosain       tajahu chaouthi kre chand ki nayee I

Choudah bhuvan eik patti hoyee        bhut  droh trishtai nahi sou I

Gunsagar nagar nar  jehu                alap lobh bhal kahahi na kou I

  दो0- काम क्रोध मद लोभ सब नाथ नरक के पंथ।
     सब परिहरि रघुबीरहि भजहु भजहिं जेहि संत।।(38)

        Kam krodh madd lobh sab     nath narak ke panthI

        Sab parihari raghubeerahi bhajhu bhajahi je sant II (38)

तात राम नहिं नर भूपाला। भुवनेस्वर कालहु कर काला।।
ब्रह्म अनामय अज भगवंता। ब्यापक अजित अनादि अनंता।।
गो द्विज धेनु देव हितकारी। कृपासिंधु मानुष तनुधारी।।
जन रंजन भंजन खल ब्राता। बेद धर्म रच्छक सुनु भ्राता।।
ताहि बयरु तजि नाइअ माथा। प्रनतारति भंजन रघुनाथा।।
देहु नाथ प्रभु कहुँ बैदेही। भजहु राम बिनु हेतु सनेही।।
सरन गएँ प्रभु ताहु न त्यागा। बिस्व द्रोह कृत अघ जेहि लागा।।
जासु नाम त्रय ताप नसावन। सोइ प्रभु प्रगट समुझु जियँ रावन।।

  Tat Ram nahi naa bhoopala              bhuvaneshvar kajahun kar kala I

 Braham anamay ajj bhagwantah              Vyapak ajit anadi   Ananta I

Gou dvij dhenu dev hitkari          kripasindhu    manush tanudharyee I

Jan rahjan bhanjan khal brata      ved     dharma rachhak suno bhrata I

Tahin bayar tajii navahahi matha        prantarti  bhanjan    raghunatha I

Dehu nath parbhu   kahun bedehahi bhajahu Ram binu hetu sanehi I

Saran gaye parbhu tahu na Tyaga         viswa droh krit  jehi agh laga I

Jasu   nam traytap nasawan        so parbhu parkat samujhi  jiye raven I

दो0-बार बार पद लागउँ बिनय करउँ दससीस।
परिहरि मान मोह मद भजहु कोसलाधीस।। {39(क)}

मुनि पुलस्ति निज सिष्य सन कहि पठई यह बात।
तुरत सो मैं प्रभु सन कही पाइ सुअवसरु तात।। [39(ख)]

               Bar bar pad lagiyun   vinahi karyun das sees I

                Parihari man moh mad bhajahau kosla dhees II (39 ka)

     

               Rashi pulasti nij shishy san kahi pathhayi ye batt I

               Turat mein parbhu san kahi payee    suavsar taat II (39 kha)