त्रिजटा सन बोली कर जोरी। मातु बिपति संगिनि तैं मोरी।।

त्रिजटा सन बोली कर जोरी। मातु बिपति संगिनि तैं मोरी।।
तजौं देह करु बेगि उपाई। दुसहु बिरहु अब नहिं सहि जाई।।
आनि काठ रचु चिता बनाई। मातु अनल पुनि देहि लगाई।।
सत्य करहि मम प्रीति सयानी। सुनै को श्रवन सूल सम बानी।।
सुनत बचन पद गहि समुझाएसि। प्रभु प्रताप बल सुजसु सुनाएसि।।
निसि न अनल मिल सुनु सुकुमारी। अस कहि सो निज भवन सिधारी।।
कह सीता बिधि भा प्रतिकूला। मिलहि न पावक मिटिहि न सूला।।
देखिअत प्रगट गगन अंगारा। अवनि न आवत एकउ तारा।।
पावकमय ससि स्त्रवत न आगी। मानहुँ मोहि जानि हतभागी।।
सुनहि बिनय मम बिटप असोका। सत्य नाम करु हरु मम सोका।।
नूतन किसलय अनल समाना। देहि अगिनि जनि करहि निदाना।।
देखि परम बिरहाकुल सीता। सो छन कपिहि कलप सम बीता।।

Trijata san boli kar jori                 matu vipati sangini tein mori I

Tajon deh yeh karo upaiee            dusah virah ab nahi sahi jaee I

Ani kath rachi chita banai               Matu ananl puni dehu ;lagai I

Sunat vachan pad gahi samjhayasi Parbh partap bal tej sunayasi I

Nisi na anal mili suno sukumari as kahi so nij bhawan sidhyari I

Kah Seet vidhi bha partikula  milahani na pawak mitahain sula I

Dekhiyat parkat Gagan angara           Awani na awat ekun tara I

Pawakmai Ravi sarwat na aggi manhun jani      mohi hatbhagi I

Sunahi  vinay mam vitap asoka  satya nam karu haru mam soka  I

Nootan kiusalay anal samana       dehu agini jani karu nadana  I

Dekhi param virhakul Seeta  so chhan Kapi kalap sam   beeta I

         सो0-कपि करि हृदयँ बिचार दीन्हि मुद्रिका डारी तब।
                         जनु असोक अंगार दीन्हि हरषि उठि कर गहेउ।।(12)

             Kapi kari vichar    deenhi     mudrika dar tab I

            Janu asok angar deenh harshi uthi kar gaheun II (12)