जामवंत कह सुनु रघुराया। जा पर नाथ करहु तुम्ह दाया।।

जामवंत कह सुनु रघुराया। जा पर नाथ करहु तुम्ह दाया।।
ताहि सदा सुभ कुसल निरंतर। सुर नर मुनि प्रसन्न ता ऊपर।।
सोइ बिजई बिनई गुन सागर। तासु सुजसु त्रेलोक उजागर।।
प्रभु कीं कृपा भयउ सबु काजू। जन्म हमार सुफल भा आजू।।
नाथ पवनसुत कीन्हि जो करनी। सहसहुँ मुख न जाइ सो बरनी।।
पवनतनय के चरित सुहाए। जामवंत रघुपतिहि सुनाए।।
सुनत कृपानिधि मन अति भाए। पुनि हनुमान हरषि हियँ लाए।।
कहहु तात केहि भाँति जानकी। रहति करति रच्छा स्वप्रान की।।

Jamvant kah sunu Raghuraya Ja par Nath karuhu tum dayya I

Tahi sada subh kusal nirantar Sur Nar Muni Parsan ta upper I

So Binaee Bijjai Gunsaga             Tasu sujas treylok ujagar I

Parbhu ki kripa bhayun sab kaju Janam hamar suphal bha aju I

Nath Pawansut keenhi jo karni sahson mukh so jaee nahi barni I

Pawantanay ke charit suhaye         Jamvant Raghupatih sunaye I

Sunat Kripanidhi man atti bhaye  Puni Hanuman harash hiye laye I

Kaho tatt kehi bhantee Janki Rahti karti Rachha saw pran ki I

      दो0-नाम पाहरु दिवस निसि ध्यान तुम्हार कपाट।
                    लोचन निज पद जंत्रित जाहिं प्रान केहिं बाट।।(30)

         Nam Paharu diwas nissi Dhyan tumhar kapat I

         Lochan nij pad jantrit       Jaee Pran kehi batt II (30)

चलत मोहि चूड़ामनि दीन्ही। रघुपति हृदयँ लाइ सोइ लीन्ही।।
नाथ जुगल लोचन भरि बारी। बचन कहे कछु जनककुमारी।।
अनुज समेत गहेहु प्रभु चरना। दीन बंधु प्रनतारति हरना।।
मन क्रम बचन चरन अनुरागी। केहि अपराध नाथ हौं त्यागी।।
अवगुन एक मोर मैं माना। बिछुरत प्रान न कीन्ह पयाना।।
नाथ सो नयनन्हि को अपराधा। निसरत प्रान करिहिं हठि बाधा।।
बिरह अगिनि तनु तूल समीरा। स्वास जरइ छन माहिं सरीरा।।
नयन स्त्रवहि जलु निज हित लागी। जरैं न पाव देह बिरहागी।
सीता के अति बिपति बिसाला। बिनहिं कहें भलि दीनदयाला।।

Chalat mohee Churamani deeni Raghupati Hridey laee so leeni I

Nath jugal lochan bhare bari Vachan kahe kachhu Janak KumariI

Anuj samet gaheyu Parbhu charna Deenbandhu Parantarti harna I

Man karam vachan charan anuragee kehi apradh nath ho Tyagi I

Avgun ek mor mein mana Bichhurat Pran na keen payana I

Nath so nayanan kar apradha nisrat pran Karin hathi badha I

Virah agini tanu tul sameera Sawas jaraee chhan mahi sarira I

Nayan sarvahin Jal nij hit lagee Jare na pav deh Birhagee I

Seeta ki atti bipati visala        binahi kahe bhali Deendayala I

           दो0-निमिष निमिष करुनानिधि जाहिं कलप सम बीति।
                             बेगि चलिय प्रभु आनिअ   भुज बल खल दल जीति।।(31)

           Nimish nimish Karnanidhi jaee kalap sam beeti I

           Bagi chali Parbhu Aniye Bhuj Bal Khal dal jeeti II(31)