चलत महाधुनि गर्जेसि भारी। गर्भ स्त्रवहिं सुनि निसिचर नारी।।

चलत महाधुनि गर्जेसि भारी। गर्भ स्त्रवहिं सुनि निसिचर नारी।।
नाघि सिंधु एहि पारहि आवा। सबद किलकिला कपिन्ह सुनावा।।
हरषे सब बिलोकि हनुमाना। नूतन जन्म कपिन्ह तब जाना।।
मुख प्रसन्न तन तेज बिराजा। कीन्हेसि रामचन्द्र कर काजा।।
मिले सकल अति भए सुखारी। तलफत मीन पाव जिमि बारी।।
चले हरषि रघुनायक पासा। पूँछत कहत नवल इतिहासा।।
तब मधुबन भीतर सब आए। अंगद संमत मधु फल खाए।।
रखवारे जब बरजन लागे। मुष्टि प्रहार हनत सब भागे।।

Chalat mahadhuni garjesi bharee Garbh sarvahin suni Nisichar nareeI

Naghi sidhu ehi parahin awa              Shabd Kilkila Kapinih sunawa I

Harshe sab viloki Hanumana       Nootan janam Kapinh tab Jana I

Mukh parsann tan tej biraja           Keenhesi Ramchander kar kaja I

Sakal mile atti bhaye sukharee        Talphat meen pav jimi baree I

Harshi chale Raghunayak pasa     Poonchhat kahat naval Itihasa I

Tab Madhuban sab bheetar aye Angad sammat madhphal khaye I

Rakhware jab barjan lage              Mushti parhar hana sab bhage I

          दो0-जाइ पुकारे ते सब बन उजार जुबराज।
                  सुनि सुग्रीव हरष कपि करि आए प्रभु काज।।(28)

     Jayee pukare te sab                ban ujar jubrajI

     Suni Sugreev harash Kapi kar aye Parbhu kaj II (28)

जौं न होति सीता सुधि पाई। मधुबन के फल सकहिं कि खाई।।
एहि बिधि मन बिचार कर राजा। आइ गए कपि सहित समाजा।।
आइ सबन्हि नावा पद सीसा। मिलेउ सबन्हि अति प्रेम कपीसा।।
पूँछी कुसल कुसल पद देखी। राम कृपाँ भा काजु बिसेषी।।
नाथ काजु कीन्हेउ हनुमाना। राखे सकल कपिन्ह के प्राना।।
सुनि सुग्रीव बहुरि तेहि मिलेऊ। कपिन्ह सहित रघुपति पहिं चलेऊ।
राम कपिन्ह जब आवत देखा। किएँ काजु मन हरष बिसेषा।।
फटिक सिला बैठे द्वौ भाई। परे सकल कपि चरनन्हि जाई।।

Jo nahi hoti Seeta sudhi paee Madhuban ke phal sakaee ki khaee I

Ehi vidhi mann vichar kar Raja                 Ayee gaye Kapi sahit samaja I

Sabinh ayee nawa pad seesa       Mile sabinih    atti prem Kapeesa I

Puchhi kusal kusal Pad dekhi                Ram kripa bha kaj biseshi I

Nath kaj keenehu Hanumana             Rakhe sakal kapinh ke prana I

Suni Sugreev bahuri tehi miliyun  Kapinh sahit Raghupati pahin chalyun

 Ram Kapinh jab awat dekha             kiye  kaj man harash bisesha I

Phatik sila beithe dou Bhaee   Pare sakal kapi charnani jaee I

          दो0-प्रीति सहित सब भेटे रघुपति करुना पुंज।
                       पूँछी कुसल नाथ अब कुसल देखि पद कंज।।(29)

          Prreti sahi bhente sab Raghupati Karunapunj I

          Poochhi kusal nath ab dekhi kusal pad   kanj II (29)