निसिचरि एक सिंधु महुँ रहई। करि माया नभु के खग गहई।।

निसिचरि एक सिंधु महुँ रहई। करि माया नभु के खग गहई।।
जीव जंतु जे गगन उड़ाहीं। जल बिलोकि तिन्ह कै परिछाहीं।।
गहइ छाहँ सक सो न उड़ाई। एहि बिधि सदा गगनचर खाई।।
सोइ छल हनूमान कहँ कीन्हा। तासु कपटु कपि तुरतहिं चीन्हा।।
ताहि मारि मारुतसुत बीरा। बारिधि पार गयउ मतिधीरा।।
तहाँ जाइ देखी बन सोभा। गुंजत चंचरीक मधु लोभा।।
नाना तरु फल फूल सुहाए। खग मृग बृंद देखि मन भाए।।
सैल बिसाल देखि एक आगें। ता पर धाइ चढेउ भय त्यागें।।
उमा न कछु कपि कै अधिकाई। प्रभु प्रताप जो कालहि खाई।।
गिरि पर चढि लंका तेहिं देखी। कहि न जाइ अति दुर्ग बिसेषी।।
अति उतंग जलनिधि चहु पासा। कनक कोट कर परम प्रकासा।।

Nischar ek sindhu mah rahin kari maya nabh ke khag gahin

Jeev jantu je gagan urhain   Jal viloki tin ki parchhayee I

Gahien chhan so sak na urhai    Ehi vidhi sada gaganchar khain I

Soyee chhal hanuman kah keena    tasu kapat kapi turtain cheenah I

Tahi mar marusut beera          baridhi par gayon matidheera I

Tahan jaee dekhi ban sobha   Gunjat chanchreekmadhu lobha I

Nana taru phal pkool suhaye khag mrig vrind dekhi man bhaye I

 Sail visal dekhi ek age         ta  par dhai charion sakal bhay tyage I

Uma na kachhu kapi ke adhikai Pabhu partap jo kalhi khayee I

Giri par charhi lanka tehi dekhi kahi na jaee ati durg vishesi I

Ati utang jalnidhi chahun pasa kanak koti kar param parkasa I

छं कनक कोट बिचित्र मनि कृत सुंदरायतना घना।
चउहट्ट हट्ट सुबट्ट बीथीं चारु पुर बहु बिधि बना।।
गज बाजि खच्चर निकर पदचर रथ बरूथिन्ह को गनै।।
बहुरूप निसिचर जूथ अतिबल सेन बरनत नहिं बनै।।(1)बन बाग उपबन बाटिका सर कूप बापीं सोहहीं।
नर नाग सुर गंधर्ब कन्या रूप मुनि मन मोहहीं।।
कहुँ माल देह बिसाल सैल समान अतिबल गर्जहीं।
नाना अखारेन्ह भिरहिं बहु बिधि एक एकन्ह तर्जहीं।।(2)करि जतन भट कोटिन्ह बिकट तन नगर चहुँ दिसि रच्छहीं।
कहुँ महिष मानषु धेनु खर अज खल निसाचर भच्छहीं।।
एहि लागि तुलसीदास इन्ह की कथा कछु एक है कही।
रघुबीर सर तीरथ सरीरन्हि त्यागि गति पैहहिं सही।।(3)

      Kanak koti vichitra mani krit       sundrayatna    Ghana I

     Chaunhat hatt subhat bithin charu pur bahu vidhi bana I

    Gaj baji khachar nikar padchar rath baruthan ko ganey I

    Bahurup nisichar jooth     atibal sain barnat nahi baney  I(1)

 Ban bagh upvan batika sar koop     bapi       sohaahin    I

Nar nag sur  gandharva kanya roop muni    man mohahin I

Kahun   mal    de    bisal  sel    saman     atibal    garjahin  I

 Nana akhareinh bhirihin bahubhat ek ekanh    tarjahin   I (2)

Kari jatan  bhat kotin vikat tan nagar chahun disi rachhahiI I

Kahun mahish manush dhenu khar aj khal nisachar bhachhahi I

Ehi lag   Tulsidas     enh     ki    katha  kuchh  ek hai     kahi I

Raghubir    sar     tirath    sariranh   tyagi   gati   pehinih sahi I (3)

           दो0-पुर रखवारे देखि बहु कपि मन कीन्ह बिचार।
                             अति लघु रूप धरौं निसि नगर करौं पइसार।।(3)