अस प्रभु छाड़ि भजहिं जे आना। ते नर पसु बिनु पूँछ बिषाना।।

अस प्रभु छाड़ि भजहिं जे आना। ते नर पसु बिनु पूँछ बिषाना।।
निज जन जानि ताहि अपनावा। प्रभु सुभाव कपि कुल मन भावा।।
पुनि सर्बग्य सर्ब उर बासी।             सर्बरूप सब रहित उदासी।।
बोले बचन नीति प्रतिपालक। कारन मनुज दनुज कुल घालक।।
सुनु कपीस लंकापति बीरा। केहि बिधि तरिअ जलधि गंभीरा।।
संकुल मकर उरग झष जाती। अति अगाध दुस्तर सब भाँती।।
कह लंकेस सुनहु रघुनायक। कोटि सिंधु सोषक तव सायक।।
जद्यपि तदपि नीति असि गाई। बिनय करिअ सागर सन जाई।।

As Parbhu  chhadi bhajahi je anna te nar pashu bin poonchh bishana I

Nij jan jani tahee apnawa Parbhu subhav Kapi kul man bhava I

Puni sarvagy    sarv ur     bassi    sarvroop sab   rahit   udassi I

Bole vachan neeti pratipalak Karan manuj      danuj kulghalak I

Suno Kapees Lnkapati Beera Kehi vidhi taria jaldhi gambhira I

Sankul maker urag jhash jatee Ati agadh duster    sab bhantee I

Kah Lankes sunu Raghunayak   Koti sindhu soshak tav sayak I

Jadaypi tadapi neeti asi gayee      Vinay kariea Sagar san jaee I

दो0-प्रभु तुम्हार कुलगुर जलधि कहिहि उपाय बिचारि।
बिनु प्रयास सागर तरिहि सकल भालु कपि धारि।।(50)

      Parbhu tumhar kulguru Jaldhi kaheen upai bichar I

      Binu paryas sagar tarahin sakal bhalu   kapi dhar II (50)

सखा कही तुम्ह नीकि उपाई। करिअ दैव जौं होइ सहाई।।
मंत्र न यह लछिमन मन भावा। राम बचन सुनि अति दुख पावा।।
नाथ दैव कर कवन भरोसा। सोषिअ सिंधु करिअ मन रोसा।।
कादर मन कहुँ एक अधारा। दैव दैव आलसी पुकारा।।
सुनत बिहसि बोले रघुबीरा। ऐसेहिं करब धरहु मन धीरा।।
अस कहि प्रभु अनुजहि समुझाई। सिंधु समीप गए रघुराई।।
प्रथम प्रनाम कीन्ह सिरु नाई। बैठे पुनि तट दर्भ डसाई।।
जबहिं बिभीषन प्रभु पहिं आए। पाछें रावन दूत पठाए।।

Sakha kahi tum neeki upaee karie deiv jo hoee sahaee I

Mantra na ye Lachhman man bhava Ram bachan suni atti dukh pawa I

Nath deiv kar kawan bharosa Soshiye sindhu karie man rosha I

Kadar man kahun ek adhara         Deiv    Deiv      alssi pukara I

Sunat vihasi bole Raghubeera Esehi karab dharho man dheera I

As kahi Parbhu anujahi samujhaee Sindhu sameep gaye Raghurae I

Partham parnam  keenh sir naee Puni bethe tat darbh dasaee I

Jabahih Bibhishan Parbhu pahi aye Pachhe Ravan doot pathaye I

दो0-सकल चरित तिन्ह देखे धरें कपट कपि देह।
प्रभु गुन हृदयँ सराहहिं सरनागत पर नेह।।(51)

      Sakal charit tinh dekhe dharey kapat kapih deh I

      Parbhu gun hridey sarahee      sarnagat par neh II (51)

प्रगट बखानहिं राम सुभाऊ। अति सप्रेम गा बिसरि दुराऊ।।
रिपु के दूत कपिन्ह तब जाने। सकल बाँधि कपीस पहिं आने।।
कह सुग्रीव सुनहु सब बानर। अंग भंग करि पठवहु निसिचर।।
सुनि सुग्रीव बचन कपि धाए। बाँधि कटक चहु पास फिराए।।
बहु प्रकार मारन कपि लागे। दीन पुकारत तदपि न त्यागे।।
जो हमार हर नासा काना। तेहि कोसलाधीस कै आना।।
सुनि लछिमन सब निकट बोलाए। दया लागि हँसि तुरत छोडाए।।
रावन कर दीजहु यह पाती। लछिमन बचन बाचु कुलघाती।।

Parkat bakhanahi Ram parbhau Atti saprem ga bisaree durau I

Ripoo ke doot kapinih tab jane sakal bandhi kapees pahi ane I

Kah Sugreev suno sab Banar Ang bhang kar pathwahu nisichar I

Suni Sugreev vachan kapi dhaye Bandhi katak chahu pas phiraye I 

Bahu parkar kapi maran lage            Deen pukarat tadipi na tyage I

Jo hama har nasa kana                           Tehi Kosaladhees ke anna I

Suni Lachhiman sab nikat bulaye  Daya lagi hansi turat chhudaye I

Ravan kar deejyuh ye patee    Lachhman vachan bach  Kulghatee I

दो0-कहेहु मुखागर मूढ़ सन मम संदेसु उदार।
      सीता देइ मिलेहु न त आवा काल तुम्हार।।(52)

 

      Kaheyu mukhagar moodh san mam sandes udar I

      Seeta deyi miliyun             na ta awa kal tumhar II(52)

सुनहु सखा निज कहउँ सुभाऊ। जान भुसुंडि संभु गिरिजाऊ।।

सुनहु सखा निज कहउँ सुभाऊ। जान भुसुंडि संभु गिरिजाऊ।।
जौं नर होइ चराचर द्रोही। आवे सभय सरन तकि मोही।।
तजि मद मोह कपट छल नाना। करउँ सद्य तेहि साधु समाना।।
जननी जनक बंधु सुत दारा। तनु धनु भवन सुह्रद परिवारा।।
सब कै ममता ताग बटोरी। मम पद मनहि बाँध बरि डोरी।।
समदरसी इच्छा कछु नाहीं। हरष सोक भय नहिं मन माहीं।।
अस सज्जन मम उर बस कैसें। लोभी हृदयँ बसइ धनु जैसें।।
तुम्ह सारिखे संत प्रिय मोरें। धरउँ देह नहिं आन निहोरें।।

Sunuhu Sakha nij kahun subhou  Ja bhusandhi Sambhu Girijau I

Jo nar hohyin sachrachar drohii   Sabhay saran taki awe mohin I

Taji mad moh kapat chhal nana Karun sadya tehi sadhu samanaI

Janani Janak Bandhu Sut Dara Tanu Dhanu Bhawan Suhrid PariwaraI

Sab ke mamta tag batori              Mam pad manhi bandh bar doriI

Samdarsi Ichha kachhu nahi Harash shok bhay nahi man mahee I

Us sajjan mam Ur bass kiense Lobhi hridey basai dhanu jeinse I

Tum sarikhe Sant Priye more             Dharun deh na ann nihore I

दो0- सगुन उपासक परहित निरत नीति दृढ़ नेम।
ते नर प्रान समान मम जिन्ह कें द्विज पद प्रेम।।(48)

        Sagun Upasak Parhit nirat Neeti drirh nem I

        Te nar pran sam mam jin ke dvij pad prem II (48)

सुनु लंकेस सकल गुन तोरें। तातें तुम्ह अतिसय प्रिय मोरें।।
राम बचन सुनि बानर जूथा। सकल कहहिं जय कृपा बरूथा।।
सुनत बिभीषनु प्रभु कै बानी। नहिं अघात श्रवनामृत जानी।।
पद अंबुज गहि बारहिं बारा। हृदयँ समात न प्रेमु अपारा।।
सुनहु देव सचराचर स्वामी। प्रनतपाल उर अंतरजामी।।
उर कछु प्रथम बासना रही। प्रभु पद प्रीति सरित सो बही।।
अब कृपाल निज भगति पावनी। देहु सदा सिव मन भावनी।।
एवमस्तु कहि प्रभु रनधीरा। मागा तुरत सिंधु कर नीरा।।
जदपि सखा तव इच्छा नाहीं। मोर दरसु अमोघ जग माहीं।।
अस कहि राम तिलक तेहि सारा। सुमन बृष्टि नभ भई अपारा।।

Suno Lankes sakal gun tore Tate tum attisay priye more I

Ram vachan suni Banarjootha Sakal kahin Jia Kripa barootha I

Sunat Bibhishan Parbhu ki bane Nahi aghat sharvanamrit jani I

Pad Ambuj gahi barhibara           Hridey samat na prem apara I

Suno Dev Schrachar Swami                Paranatpal ur antarjami I

Ur kachhu partham basna rahi    Parbhupad preeti saris so bahi I

Ab Kripal nij Bhagti pawani        Dehu sada Shiv man Bhavni I

Evamastu kahi parbhu Randheera Maga turat sindhu kar neera I

Jadpi sakha tav ichha nahi      More darsu      amogh jag mahi I

As kahi  Ram tilak tehi sara Suman vrishti nabh bhayee apara I

 दो0-रावन क्रोध अनल निज स्वास समीर प्रचंड।
जरत बिभीषनु राखेउ दीन्हेहु राजु अखंड।।49(क)    

    

        Ravan krodh anal nij swas    sameer parchand I

      Jarat Bibhishan rakhiyun denihiyun raj akhand II (49 ka)

जो संपति सिव रावनहि दीन्हि दिएँ दस माथ।
सोइ संपदा बिभीषनहि सकुचि दीन्ह रघुनाथ।।49(ख)

  Jo samapati Shiv Ravanahi        deeni diye das math I

So sampadah Bibhashanahi sakuchi deeni Raghunath II (49kha)